[BeriZone計劃] Love live! SIFAC仿街機版家用手台製作

6年後, 我再製作Love live! SIF專用手台, 但設計/用法都同當年製作既大有不同

6年前個隻手掣已經被埋係垃圾堆填區, 永遠唔會出現係世上了, 只得返我當年製作後影過既相作紀念

Youtube試玩片: https://www.youtube.com/watch?v=ASjeoDmQ_PY

廢文篇----------------------------------------------------------------------------------------

9粒按鈕分佈係半圓入面既節奏手機遊戲Love live! Scool Idol Festival相信大家都唔會陌生

SIF最初版係8年前 2013年4月推出 (第一季動畫播完無一個月), 推出唔洗個幾月就令到開發商KLab擺脫長期赤字既困境, 轉虧為盈

係2016年更擴大市場版圖, Bushiroad連同Square Enix開發街機版既SIF, 採用實體按鈕, 再配合埋換衫系統, 印卡機等一堆米王級消費項目, 兩年之後再黎個大更新加入埋Aqours, 但可惜第一日大升級就出現全裸bug, 從而變成呢隻game既經典memes

日本機舗日漸式微係人都知, 2019年底開始武漢肺炎侵襲全球, 令到去日本旅遊既外地人士大大大大*N 幅減少, 再加上日本國內又出現大爆發情況, 2020年不停有新聞見到秋葉原名店/著名日本機舗結業既消息, 可想而知Square Enix中止開發街機版, 改成由家用平台推出都係逼於無奈, 好似SEGA早就將BroderBreak由街機改去家用平台, 仲同知名手掣開發商Hori推出家用BroderBreak手掣, 滑鼠任由玩家選擇, 個人化/畫面上比街機有更好既體驗

但....講返SIF家用版, 到我出文呢一刻都無開發商推出專用手掣sosad 事實上如果要學到街機既設計就一定好重成本(因為要連mon) 如果掣獨立分開唔對mon畫面就完全唔係個種感覺, 所以未搵到廠商出都係正常既

手台製作篇-----------------------------------------------------------------------------------

重新製作手掣既idea係上年中開始, 起初淨想係PC用Android模擬器玩SIF, 但無諗過Bushiroad突然會放棄街機版改係PS4到推出, 係我差唔多畫好外框同layout正想動工既時候就出現既個消息, 令到我既計劃大大改變 (主要係點樣同PS4連接)

然後SIF手機版係早排大更新將虹團分返類, 黎緊仲有liella既歌, 唔知Bushiroad會唔會係PS4出埋虹咲既DLC呢? adore adore

而手掣就有以下特點

1- 手掣Size按街機比例縮細左25%, 變成21.5"屏幕同45mm按鈕, 女仔/小朋友/我(手細)都啱玩

2- PS4 IO板根據我製作過DJMAX Respect PS4版手掣既經驗, 依舊採用PS4+ Audio Fighting Board, 一來極少delay, 二來內置3.5mm耳機輸出, 非常適合節奏遊戲使用

3- 原本Brook既PS4 IO板係無燈光輸出, 所以我另外設計左塊轉換板輸出燈光, 可以設定做按下後著燈定係按下後熄燈

4- 呢塊PS4 IO板耳機輸出唔夠, 我另外再加多塊47線路既耳機放大器, 確保大部分耳機都輕鬆驅動

5- 裝上音樂控制RGB LED, 可跟住音樂變色 / 閃, 令到手台更充滿街機元素

6- 按鈕微動換成觸發時間更低 / 重量更輕既軸體

N- 我想原價買到PS5黎玩呢隻game

按鈕近照

耳機位輸出

玩落幾正常, 係衰手殘

舊既掣 R.I.P.