[Beri’s Project - K] HONDA BEAT 車內音響更換, 喇叭維修 (ホンダ ビート スピーカー修理+オーディオシステム交換)

維修+改裝好試聲試聲

---------------------------------------------簡介編---------------------------------------------

HONDA BEAT既音響可以話令人又愛又恨, 因為K-CAR 空間問題所以BEAT仔車機並無採用標準車機DIN規格, 而係搵返專設計車機比HONDA既Gathers設計左一款有FM,卡式帶同播到CD既車機, 分別有40W(GXC-8200SF) 同120W (GXC-8290SF)

雖然揸BEAT仔都係為左聽自然吸氣既引擎聲多過聽歌, 但我作為日用車出出入入有時係街停車等人都會聽下歌仔既

睇返當年BEAT仔訂購單可以發現主要有2款選擇, 分別係:

1. 40W車機 + 車門喇叭既2.0ch套合

2. 120W車機 + 車門喇叭 + 中控台對上中高音喇叭既4.0ch套合

而位於車尾箱既CD Player同座位間既低音喇叭既0.1ch套合都係Option

雖然HONDA係2011年(BEAT仔 20周年) 出左款新版可以連接iPhone同USB手指播MP3檔既彩MON車機, 但由於只有3500套既關係, 令到二手價格一直唔平

對於係香港既我, 兩款車機都係針對日本設計, 佢既FM收音機就只有FM76-90MHz, 係香港只可以聽到雷霆881台, 加上而家手機經數據上網串流聽歌/聽電台仲清晰過聽FM台, 香港既隧道收手機信號都好好, 結果我都係決定自己另外裝部AMP仔經AUX IN用iPhone聽下歌仔算

車門既喇叭用左標準汽車喇叭規格, 呢個好易搵代用

反而中控台對上既中高音喇叭係Gathers專為BEAT仔設計同開模, 基本上要自己維修, 再加上喇叭經太陽直接照射, 基本上市面所有BEAT仔既呢款喇叭都曬到甩皮/粉碎

而HONDA亦都係20周年時期重新出過呢對中高音喇叭比車主直接更換, 非常有心(可惜都係限量3500套, 二手價都好貴)

本身我部BEAT仔只有中高音喇叭, 而車門既原裝喇叭早就因為濕氣搞到壞埋

同時間好彩咁啱係日本見到有二手低音喇叭賣, 咁就可以自己起返套4.1ch既音響比自己聽

AMP方面用左TDA7850方案, 呢款好處係SIZE細, 發熱唔大, 仲有ACC啟動

又可以分開中高音喇叭同車門喇叭獨立較音量

而Lightnig轉3.5mm+PD充電搵左好耐最後都搵到一款好啱心水

因為有齊Apple C100 Audio Chip同Apple C94 PD Chip

明明市面上有3.5mm轉卡式帶, 點解我唔用佢呢?

咁係因為咁轉換後音質會差好多, 再加上原本既車機發熱量/用電大, 所以我用返自己新方案

---------------------------------------------維修編 (1)---------------------------------------------

拆散後既鐵網同mounting

喇叭已經脆哂, 再維修都無意思, 直接換喇叭更實際

新單元同舊單元合照

先轉洞轉到夠深上螺絲

幫喇叭上返牙, 然後固定上mounting

幫佢補返黑色, 咁就好睇d

順便補返膠邊

中高音維修完成!

---------------------------------------------維修編 (2)---------------------------------------------

車門喇叭用DDDrive全音喇叭, 佢另外仲有款有連同中高音喇叭一體

(但因為我已有中高音喇叭, 所以用呢款)

喇叭係二手, 先補上膠邊膠水, 增加壽命

由於呢款車門用喇叭插頭位置唔同原裝HONDA, 所以要自製廷長線加長接駁

準備安裝 (圖中見到唔自製廷長線係唔夠長駁)

舊既防潮膠袋會換走

車門喇叭完成!

---------------------------------------------維修編 (3)---------------------------------------------

日本買到既二手低音單元

經過30年考驗都係脆哂, 所以我決定直接換埋新單元

新低音喇叭好彩啱啱好合得埋

中置低音喇叭係內置AMP, 輸入原理係靠車機輸出左右聲喇叭輸出抽取信號再轉換成低音

所以舊時用40W定120W車機都可以加裝

幾新淨, 無零件要換

由於我部BEAT仔原裝無低音喇叭OPTION, 所以要自製電線接駁

完成!

---------------------------------------------維修編 (4)---------------------------------------------

上手本身3D Print左個兜用黎裝下八達通/散銀咁, 所以我順便物盡其用

(分別係3.5mm AUX in, 開關, 車門喇叭音量, 中高音喇叭音量)

而喇叭就唔用ACC啟動了, 直接整開關比佢, 要聽先比電佢

然後外國有母插賣, 唔需要改原本車內既線, 不過唔記得影, 一插即用