[Beri’s Project - K] HONDA BEAT 風量/冷暖風控制 小改造 加強結構 防止爆膠 (ホンダ ビート エアコンコントロールノブ 強化)

 

加工安裝完成

BEAT仔既年代HONDA仲未推行用環保膠, 所以車內膠件無熔化/自動碎裂問題

不過對於需要經常受力既膠經過30年歲月都係會裂開, 最直接當然買全新原裝件, 因為HONDA仲有賣全新所以問題不大

[Beri’s Project - K] HONDA BEAT 軚盤偏芯Spacer安裝 改善換軚盤影響錶板視覺 (ホンダ ビート 偏芯スペーサー取付け)

到貨發現仲有貼紙送, 但我唔貼了

BEAT仔車身細, 雖然HONDA設計BEAT仔時已經將司機位置整得比乘客位闊, 但因為SIZE問題BEAT仔既軚盤位係固定無得調較角度/高低

就係因為呢個問題, 因應唔同身高/腳長既人揸BEAT仔就會導致大脾頂軚盤, 扭軚唔就手

而為左解決呢個問題最直接就係換320mm細軚 (原裝350mm)

但換左細軚之後, 雖然解決左頂腳問題, 但就會令到錶板變得難睇左, 睇唔到7000轉位置/左右方向燈

所以日本就係BEAT仔改裝廠就推出左軚芯中軸偏芯轉換器, 將中心位置向上10-15mm, 係唔影響扭軚情況下比返一個最好既錶板視覺你

今次就買左著名BEAT仔改裝廠S.S.I.推出既偏芯Spacer, 佢分10mm同20mm厚兩種, 不過10mm厚一早賣哂, 如果有裝快拆既最好就買返10mm, 我今次就裝個20mm厚既上去

Sparco都有出, 15mm厚, 但又係停左產, 所以買左S.S.I.算了

[Beri’s Project - K] HONDA BEAT Cozy-Lights CLR GT包圍安裝 (ホンダ ビート コージーライツ フロント+リアバンパー+サイドステップ GT 取り付け)

完成圖-1

完成圖-2

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

HONDA BEAT係呢30年來, 有唔少既日本汽車改裝廠都有為佢設計唔同款式既包圍/套件, 淨係款式都有超過20款, 近年仲有改裝廠keep住設計新款式既包圍, 好似有Racing HAMMER咁

[Beri’s Project - K] HONDA BEAT ECU/電腦改善過熱, 轉移安裝位置 (ホンダ ビート ECU移設, 熱害対策)

改造完成圖

早前已經為我既BEAT仔電腦更換左耐高溫電容, 但長遠黎講原本安裝ECU位置依然都會積熱, 對其他電子零件/運作都有一定影響, 所以最有效方法就係直接改裝車內其他位置

改善過熱方法主要有幾種, 分別係改放係乘客位後既交件箱內, 加裝延長線延長到乘客位底下, 或者係原本安裝位置加隔熱棉, 或者加風扇抽熱等

[Beri’s Project - K] HONDA BEAT 車內加裝手機座, 杯架, 掛鉤, PD車充等配件 (ホンダ ビート スマホ車載ホルダー+ドリンクホルダー装着)

-----------------------------------------------簡介編-----------------------------------------------

BEAT仔雖然好玩, 但日常實用性可以話非常低低低低低低, 淨係講車內連最基本既杯架都無, 如果你加配埋BASS喇叭既話連中間可以放下紙巾/毛巾既櫃仔都無埋, 最後得返乘客位前面既一個櫃桶仔可以放下電線咁

為左加強實用性, 杯架一定係必須裝回既野之一

又要用返呢張網上圖, 車入面就係咁, 乜柒都無

用呢款其實好無謂, 因為一定係安裝係波棍位左側

但BEAT仔係原設計上為左令司機更舒服, 所以乘客位已經比較窄, 裝埋乘客位就更加窄, 唔洗諗

[Beri’s Project - K] HONDA BEAT 原裝Gathers高配版車機 加裝AUX IN, 藍牙聽歌, 收聽香港FM頻道 (ホンダ ビート 純正オーディオギャザズ スカイサウンドAUX / ブルートゥース追加)

雖然之前已經幫HONDA BEAT另配喇叭AMP同維修好全部喇叭聽歌, 但其實呢部車跟黎既時候本身就已經有部120W高配版原裝Gathers車機

高配版型號為GXC-8290SF, 可輸出4.1 Channel, 總輸出30W x4, 有Dolby音效

低配版型號為GXC-8200SF, 只有2 Channel, 總輸出只有20W x2, 沒有Dolby音效

左邊係自己既120W高配版車機, 右邊係其他BEAT車主只有2個喇叭輸出既低配版

現場幫緊佢試車機, 發現卡式帶位置壞了, 變左只可聽收音機

連散熱片都唔同

[Beri’s Project - K] HONDA BEAT 更換中置引擎蓋做自製透明蓋 (ホンダ ビート 自作 クリア エンジンカバー/メンテナンスカバー 取り付け)

更換完成效果圖, 差缸蓋同水管未換藍色款

HONDA BEAT雖然同佢大佬NSX N仔一樣係同時期既中置引擎HONDA車, 但BEAT仔因為體積所限, 唔似佢大佬NSX咁有大大個尾玻璃同更換中間引擎天窗可以隨時打開檢查/比人欣賞

而日本個邊有副廠一早知呢個問題, 所以就設計左好多唔同既透明蓋比大家換上, 方便隨時睇到E07A引擎, 或者改好引擎頂蓋/電線等引擎倉變得靚靚比人欣賞

但換左呢個蓋之後其實最大缺點就係會令到車內變得更熱, 因為無左隔熱墊/金屬阻隔, 但就令到成件事變得高級左, 點都值得

[Beri’s Project - K] HONDA BEAT 重低音喇叭維修 + 線材製作 (ホンダ ビート サブウーファー修理 + ハーネスの自作)

安裝完成圖

本來買BEAT仔就係為左聽佢既自然吸氣高轉聲, 但有時停埋一邊等人時都想聽下歌, 或者有時有朋友想插下卡式帶黎播舊歌懷舊一下都得

而且呢部BEAT仔本身就已經跟左120W高配版車機同埋加配錶台喇叭, 咁就差個重低音喇叭就將所有音響Option都裝齊哂

而車尾既6合1 CD機就唔需要了, 因為部CD機實在太大舊浪費左車尾箱既空間, 主要都係靠自己改AUX IN同用返本來車機既卡式帶功能, 而FM收音機方面可以靠-16MHz降頻方式係香港收返車機只可以收既76-90MHz既FM頻道

[Beri’s Project - K] HONDA BEAT 加裝乘客位腳燈 + 安裝乘客位開門開關 + 更換LED燈膽 (ホンダ ビート 助手席フットランプ&ドアスイッチ取り付け + LED交換)

 

改裝好之後而家只開乘客位門都可以提到司機 乘客位左邊門未關好, 安全好多

順便加多塊MTREC金屬牌

BEAT仔當初推出既時候, 基本上車上好多零件都係OPTION, 就例如乘客位既腳燈都係OPTION, 今次除左補返之外, 仲要補返個detect開門開關比佢

因為BEAT仔既detect有無關好門只係睇司機位個邊腳燈, 乘客位雖然有設計到預留位, 但OPTION係無, 電線都無預留, 所以需要自己飛線同裝返同款開關掣

剛係日本bid到既二手拆車件

[Beri’s Project - K] HONDA BEAT 無限雙中出尾喉翻新+安裝 (ホンダ ビート 無限マフラー 初期型 修理+装着)

最終外觀

係等待日本有人放 "魔夢管" 既尾喉期間, 發現左無限係BEAT仔上曾經出過兩款尾喉, 最常見既都係後期右邊單出款多, 而前期既 "雙中出" 款不論二手同示範影片都非常之少

無意中係YOUTUBE睇到條片發現呢條喉比起魔夢管更好聽, 又咁啱二手又有條外觀比較新淨價錢又OK抵既就買左返黎了

呢款初期型無限喉最大缺點就係非常之容易生鏽導致穿窿漏氣, 基本上上網一搵都會搵到好多日本人點樣去翻新同補窿

[Beri’s Project - K] HONDA BEAT 20周年記念限定入油蓋更換 (ホンダ ビート 20周年記念純正アクセサリー交換)

HONDA係BEAT仔20周年 (2011年) 推出左一系列既20周年紀念配件, 例如有避震/車機/喇叭/貼紙/入油蓋等, 足以顯示BEAT仔係HONDA其中一款被重視既車款, 仲係25年後再次推出全新零件比用家更換, 非常貼心

其實我部BEAT仔都有幾款20周年既配件, 但唔係每件都有用係車上, 有d就係for收藏only, 今次就簡單分享下20周年入油蓋更換既過程

安裝完成效果, 勁靚

[Beri’s Project - K / 定期保養] HONDA BEAT 引擎機油/偈油 + 偈油隔 + 強磁放油螺絲更換 (ホンダ ビート エンジンオイル, マグネット付ドレンボルト交換)

其實半年前一早夠時間更換偈油, 但最近半年都不在香港, 所以就回港才更換

而更換偈油同時, 為左更好保護引擎同時換上強磁放油螺絲同來吸下引擎內鐵粉

記得換完既舊偈油去搵車房/油站回收!

講返一d BEAT仔更換偈油時需要的數據

[Beri’s Project - K] HONDA BEAT 車內音響更換, 喇叭維修 (ホンダ ビート スピーカー修理+オーディオシステム交換)

維修+改裝好試聲試聲

---------------------------------------------簡介編---------------------------------------------

HONDA BEAT既音響可以話令人又愛又恨, 因為K-CAR 空間問題所以BEAT仔車機並無採用標準車機DIN規格, 而係搵返專設計車機比HONDA既Gathers設計左一款有FM,卡式帶同播到CD既車機, 分別有40W(GXC-8200SF) 同120W (GXC-8290SF)

雖然揸BEAT仔都係為左聽自然吸氣既引擎聲多過聽歌, 但我作為日用車出出入入有時係街停車等人都會聽下歌仔既

睇返當年BEAT仔訂購單可以發現主要有2款選擇, 分別係:

[Beri’s Project - K / 2024年12月更新] 我的HONDA BEAT仔小簡介 (ホンダ ビート ラブライブ! 虹ヶ咲学園の痛車 - 中須かすみ)

2024年12月仕樣, 更換無限初期型雙中出尾喉

2024年9月仕樣, 自備2條全新RE71RS + 4條TE37 14"比胎舖上胎+過胎

[Beri’s Project - K] HONDA BEAT 錶板EL化+黑化+提示燈LED燈化 (ホンダ ビート メーター改造 LED化)

更換好黑色底EL背光既錶板既效果

---------------------------------------------簡介編---------------------------------------------

HONDA BEAT從外觀/內觀/甚至係過去歷史上都有唔少令人深刻既印象, 當中一樣當然係今次主題 - 錶板

正常私家車既錶板都係收藏係前Panel入面, 而BEAT仔就係獨立一舊出來, 佢既獨特佈局同設計其實都係來自HONDA既電單車上, 早BEAT仔幾年出現既CBR250R正正就係呢種, 而之後既CBR600F直頭同BEAT仔差唔多設計, 不過2000年打後已經唔再興全針錶了, 畢竟零件多成本高, 倒不如一塊LCD做顯示更方面, 仲顯示到更多資訊

來自1991年既100系BEAT仔

1987年既CBR250R, 唔同既係車速係左手邊

[Beri’s Project - K] HONDA BEAT 死氣喉/尾喉 + 隔熱板翻新 (ホンダ ビート マフラー塗装 + 遮熱板塗装)

-----------------------------------------------簡介編-----------------------------------------------

呢部BEAT仔係日本入口既時候已經安裝了HKS LEGAL右邊單出尾喉, HKS只推出過雙出同右邊單出版LEGAL尾喉, 而右邊單出版其實只推出過一少時間, 所以二手/網上影片都非常少, 而初期版好容易就起鏽, 所以後期HKS都改左設計表面換左色, 應該係為左減少生鏽情況

其實一直都有想換走尾喉既意向, 但聽過咁多款唔同廠推出同HONDA原裝既都發現無係乜心水, 只有一款名叫 "魔夢管" 既中雙出尾喉先係我首選, 可惜可遇不可求, 平均每三年先可能有人放售

所以而家呢條HKS單出都算叫做我心中第二好聽又耐聽, 係未搵到新尾喉換前就先翻新等佢再耐用一排, 順手望下有無鏽穿窿

-----------------------------------------------翻新編-----------------------------------------------

拆下過程唔影了, 都係先拆尾再拆隔熱板就見到尾喉, 生鏽既情況唔算太嚴重

[Beri’s Project - K] HONDA BEAT 電腦 ECU 更換高溫電容, 加裝DEBUG用LED燈,IC座等零件 (ホンダ ビート 電解コンデンサ交換 + 動作確認/診断用LEDを付ける)

完成更換/加裝零件的ECU + 右上角我老婆中須かすみ既WS 其中一張SSP卡合照

-----------------------------------------------簡介編-----------------------------------------------

HONDA BEAT既ECU最常見故障都係因為入面既電解電容爆裂導致漏液, 輕則只需更換電容便可, 重則電容液會將ECU底板(PCB)或附近零件腐蝕, 需要再重新飛線/洗板/種錫

其實我部BEAT仔ECU係完全無問題, 不過香港咁多車, 同埋都過30年車, 問題隨時會出現, 先維修好日後揸出街都安心好多

[Beri’s Project - K] HONDA BEAT 電池更換 + 發電機/打南磨簡單測試 (ホンダ ビート バッテリー交換, オルタネーター点検)

 

-----------------------------------------------簡介編-----------------------------------------------

Honda Beat想當年係1991年原廠跟車電池係38B19R, 38代表性能, B19代表呢款電池既SIZE同闊19cm, R代表正極係右邊

到2020年Panasonic已經出到去60B19R了(內有38Ah容量), 加上而家既藍電係唔需要保養/加水, 保養上又簡單左

基本上得660cc NA引擎唔太需要理電池幾大CCA, 就算放到得返11.5V都仲打得著車

本來想買最新第8代caos藍電, 但香港代理暫時只有7代, 但第8代同第7代只有外觀上有少少分別, 所以照買行貨7代算了

至於點解唔買紫電, 但因為我覺得黃色外表既野內裡一定要係藍色, 所以黎緊引擎部分都會改成藍色為主

-----------------------------------------------改造編-----------------------------------------------

其實上手已換了韓國55B24L(45Ah)電池

但B24裝落唔啱SIZE既位置令我覺得好易震鬆電池頭同固定唔到電池比較危險

已經試過有次停車之後連ACC電都埋, 發現係電池頭正極震鬆左

[Beri’s Project - K] HONDA BEAT "起動摩打/士撻/起動馬達"維修 (ホンダ ビート セルモーター/スターターモーターの故障/修理)

-----------------------------------------------簡介編-----------------------------------------------

話說係2023年尾某一晚因有位Lovelive痛車同好換車(洪洪洪換更洪洪洪), 為了留念最後時光所以就決定出去同佢架車係街上合照

可惜影完之後上車發現著唔到, 只聽到汽油泵Relay既索Coil聲, 完全打唔著引擎起動摩打, 心諗今次碌柒了, 唔通要叫拖車?

好彩既係, 泊係我後面既貨VAN司機原來有玩80年代HONDA車, 佢當時知道我打唔著已經準備好鎚仔過來想幫我打打個起動摩打, 因為好多HONDA舊車都係因為起動摩打卡著, 令到索Coil推唔到起動摩打齒輪到引擎飛輪中

[Beri’s Project - K] HONDA BEAT 雨刮翻新/維修+雨刮摩打清潔 (ホンダ ビート ワイパーリンク交換/モーター掃除)

紅線為維修前雨刮最高位置(好影響駕駛視線)，綠色係維修後

-----------------------------------------------簡介編-----------------------------------------------

繼上次維修好雨刮控制桿之後，第2樣要維修既就係前玻璃雨刮

因為前避震比較硬身關係過壆位時會有較大震幅(另外既原因係BEAT仔車頭較輕) ，所以導致我部BEAT仔過壆時雨刮會彈起，從而影響駕駛視線，另外一個影響視線既原因係使用雨刮後停定既位又係比正常停時候高

問題來自於雨刮入面既帶動連桿既原裝膠卡扣裂開，導致雨刮帶動時有虛位，從而令到雨刮行唔足全程，非調較雨刮角度就可解決