[Beri’s Project - K] HONDA BEAT 電腦 ECU 更換高溫電容, 加裝DEBUG用LED燈,IC座等零件 (ホンダ ビート 電解コンデンサ交換 + 動作確認/診断用LEDを付ける)

完成更換/加裝零件的ECU + 右上角我老婆中須かすみ既WS 其中一張SSP卡合照

-----------------------------------------------簡介編-----------------------------------------------

HONDA BEAT既ECU最常見故障都係因為入面既電解電容爆裂導致漏液, 輕則只需更換電容便可, 重則電容液會將ECU底板(PCB)或附近零件腐蝕, 需要再重新飛線/洗板/種錫

其實我部BEAT仔ECU係完全無問題, 不過香港咁多車, 同埋都過30年車, 問題隨時會出現, 先維修好日後揸出街都安心好多

從GOOGLE中已有唔少ECU因爆電容而需要維修既案例 (如果無後備ECU基本上壞左就無車用)

係香港地唔好話搵ECU, 想搵部BEAT仔係街行都已經係奇景

電解電容爆漿主要原因都係因為工作環境惡劣引致, 因為BEAT仔係中置引擎, 加上引擎係乘客位後方

而HONDA設計BEAT仔應該係為左減少電線長度從而減少電阻值想令到引擎上各種SENSOR既數值更加準確, 所以就正正選擇將ECU放係乘客位後方, 而乘客位後方又有一個儲物箱仔COVER住ECU, 所以令到ECU長期受熱, 影響ECU效能

而BEAT仔既ECU主要有兩款型號, 功能上完全一樣, 同其他HONDA車一樣都係由Denshigiken設計, 只係外殼既金屬顏色上有分別 (主要係分早期/尾期)

最早期既係金色既外殼, 如果1991-1993年既原裝BEAT仔跟車出廠ECU就係呢款, 型號是000尾

尾期/之後再搵HONDA單買既ECU就係銀白色, 型號是003尾

Denshigiken設計係設計PCB個時已預留LED DEBUG燈輸出, 但最後賣比HONDA係無焊零件既

而呢個LED輸出作用係可以詳細分析到底引擎有咩SENSOR不良, 類似電腦底板BIOS有長短響聲比你分析, 所以如果見到錶版引擎燈著左都唔洗擔心, 因為加裝左LED分析就可以對症下藥

同時間ECU都預留左外置ROM座, 比你直接燒新ROM去改變引擎輸出/特性, 所以有時會係二手拍賣會見到有ECU既ROM賣, 但加ROM係需要加裝另一粒74 IC同SHORT通某PCB點作啟動外置ROM, 所以今次維修都會加裝埋

-----------------------------------------------維修編-----------------------------------------------

先拆走乘客位後方既儲物箱同隔熱墊, 隨後就見到ECU位置

呢一刻心諗, 點解我1991年車但ECU外殼唔係金色?

應該係部BEAT仔係日本個邊已經壞左ECU, 所以日本車主直頭搵HONDA訂新款ECU裝返上去, 爽

再打開確認的確係原裝新版本無維修/打開過, 咁就先拎返屋企整了

學Lycoris Recoil第12集入面井之上瀧奈講: 心臟要逃走了!!!

準備好之前訂購既200度電容 + 鍍金IC座 + 一些三極管/電阻/LED等

原來的ROM, 可見下方已有PCB位可以外置ROM直接改寫引擎輸出

ECU入面唯一一個SENSOR, 就係查大氣壓力, 因為唔係真空環境, 所以放係ECU入面都唔影響

拆除所有電解電容

同時加裝開關for切換用內置ROM定外置ROM

而LED都放同一位置, 向司機方向

順便加定鍍金IC座, 方便日後加ROM

而左方就係LED DEBUG輸出PCB線路位置

最好就用有卡位既開關, 咁就可以防止車震震到, 同時寫返邊個方向係外置ROM

裝返上車, 一打即著無奇怪燈, 引擎正常, 咁又少左一份擔心了

下次就係要改ECU安裝位置同搵外置ROM COPY