[Beri’s Project - K] HONDA BEAT 車內加裝手機座, 杯架, 掛鉤, PD車充等配件 (ホンダ ビート スマホ車載ホルダー+ドリンクホルダー装着)

-----------------------------------------------簡介編-----------------------------------------------

BEAT仔雖然好玩, 但日常實用性可以話非常低低低低低低, 淨係講車內連最基本既杯架都無, 如果你加配埋BASS喇叭既話連中間可以放下紙巾/毛巾既櫃仔都無埋, 最後得返乘客位前面既一個櫃桶仔可以放下電線咁

為左加強實用性, 杯架一定係必須裝回既野之一

又要用返呢張網上圖, 車入面就係咁, 乜柒都無

用呢款其實好無謂, 因為一定係安裝係波棍位左側

但BEAT仔係原設計上為左令司機更舒服, 所以乘客位已經比較窄, 裝埋乘客位就更加窄, 唔洗諗

有日本人係Youtube分享安裝呢個由Nissan出既原裝杯架

但我唔太鍾意係因為會滴濕地墊, 同埋只限膠樽, 用唔到係手搖台式飲品上

所以最後買左兩個呢款, 直徑大小任你較, 同埋有個盤裝起d水, 唔怕滴到地墊

原本既磁帶車機已經拆走, 我都覺得無用

因為日本原裝車機FM最多收到90MHz, 香港只有雷霆881一個台可以聽到

所以上手車主已經3D Print左個兜仔用黎放下八達通同停車場卡既小物件咁

不過我就再透過呢個兜仔再改裝令到BEAT仔既音響系統復活, 下次再介紹

-----------------------------------------------改造編-----------------------------------------------

先確認杯架安裝位置, 呢個位打開用都唔會頂住右腳踩油門

開工, 記得用不鏽鋼螺絲固定

左邊效果圖 (同時見到新手機架唔阻出風口)

右邊效果圖

而手機座買普通款既就夠, 因為我唔係新iPhone, 無無線快充, 不如直插PD to Lightnig好過

本身係用吸盤, 不過我直接改成用螺絲收上去

選呢個位置夠好睇, 又唔阻出風口出風

手機架既座用螺絲固定

連同兩個掛鉤裝係同一位置

裝大杯/細杯/高身杯都唔影響睇側鏡同唔影響出風口, 唔用既時候又可以接埋

手機架效果圖, 視線唔影響揸車, 要睇地圖都係望一眼就OK

因為BEAT仔可以顯示到車既資訊比較少, 所以買車充我首要條件係要有電壓顯示

其次就係要有PD(最少要15W), 同一個正常USB-A比車CAM用

睇多咁多款最後係PHILIPS呢款滿足哂我口味, 安裝後既角度又可以較, 仲可以分多個點煙口出黎

日光日白都睇到電壓, 幾好