[Beri’s Project - K] HONDA BEAT 風量/冷暖風控制 小改造 加強結構 防止爆膠 (ホンダ ビート エアコンコントロールノブ 強化)

 

加工安裝完成

BEAT仔既年代HONDA仲未推行用環保膠, 所以車內膠件無熔化/自動碎裂問題

不過對於需要經常受力既膠經過30年歲月都係會裂開, 最直接當然買全新原裝件, 因為HONDA仲有賣全新所以問題不大

[Beri’s Project - K] HONDA BEAT 軚盤偏芯Spacer安裝 改善換軚盤影響錶板視覺 (ホンダ ビート 偏芯スペーサー取付け)

到貨發現仲有貼紙送, 但我唔貼了

BEAT仔車身細, 雖然HONDA設計BEAT仔時已經將司機位置整得比乘客位闊, 但因為SIZE問題BEAT仔既軚盤位係固定無得調較角度/高低

就係因為呢個問題, 因應唔同身高/腳長既人揸BEAT仔就會導致大脾頂軚盤, 扭軚唔就手

而為左解決呢個問題最直接就係換320mm細軚 (原裝350mm)

但換左細軚之後, 雖然解決左頂腳問題, 但就會令到錶板變得難睇左, 睇唔到7000轉位置/左右方向燈

所以日本就係BEAT仔改裝廠就推出左軚芯中軸偏芯轉換器, 將中心位置向上10-15mm, 係唔影響扭軚情況下比返一個最好既錶板視覺你

今次就買左著名BEAT仔改裝廠S.S.I.推出既偏芯Spacer, 佢分10mm同20mm厚兩種, 不過10mm厚一早賣哂, 如果有裝快拆既最好就買返10mm, 我今次就裝個20mm厚既上去

Sparco都有出, 15mm厚, 但又係停左產, 所以買左S.S.I.算了

[Beri’s Project - K] HONDA BEAT Cozy-Lights CLR GT包圍安裝 (ホンダ ビート コージーライツ フロント+リアバンパー+サイドステップ GT 取り付け)

完成圖-1

完成圖-2

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

HONDA BEAT係呢30年來, 有唔少既日本汽車改裝廠都有為佢設計唔同款式既包圍/套件, 淨係款式都有超過20款, 近年仲有改裝廠keep住設計新款式既包圍, 好似有Racing HAMMER咁

[Beri’s Project - K] HONDA BEAT ECU/電腦改善過熱, 轉移安裝位置 (ホンダ ビート ECU移設, 熱害対策)

改造完成圖

早前已經為我既BEAT仔電腦更換左耐高溫電容, 但長遠黎講原本安裝ECU位置依然都會積熱, 對其他電子零件/運作都有一定影響, 所以最有效方法就係直接改裝車內其他位置

改善過熱方法主要有幾種, 分別係改放係乘客位後既交件箱內, 加裝延長線延長到乘客位底下, 或者係原本安裝位置加隔熱棉, 或者加風扇抽熱等

[Beri’s Project - K] HONDA BEAT 車內加裝手機座, 杯架, 掛鉤, PD車充等配件 (ホンダ ビート スマホ車載ホルダー+ドリンクホルダー装着)

-----------------------------------------------簡介編-----------------------------------------------

BEAT仔雖然好玩, 但日常實用性可以話非常低低低低低低, 淨係講車內連最基本既杯架都無, 如果你加配埋BASS喇叭既話連中間可以放下紙巾/毛巾既櫃仔都無埋, 最後得返乘客位前面既一個櫃桶仔可以放下電線咁

為左加強實用性, 杯架一定係必須裝回既野之一

又要用返呢張網上圖, 車入面就係咁, 乜柒都無

用呢款其實好無謂, 因為一定係安裝係波棍位左側

但BEAT仔係原設計上為左令司機更舒服, 所以乘客位已經比較窄, 裝埋乘客位就更加窄, 唔洗諗

[Beri’s Project - K] HONDA BEAT 原裝Gathers高配版車機 加裝AUX IN, 藍牙聽歌, 收聽香港FM頻道 (ホンダ ビート 純正オーディオギャザズ スカイサウンドAUX / ブルートゥース追加)

雖然之前已經幫HONDA BEAT另配喇叭AMP同維修好全部喇叭聽歌, 但其實呢部車跟黎既時候本身就已經有部120W高配版原裝Gathers車機

高配版型號為GXC-8290SF, 可輸出4.1 Channel, 總輸出30W x4, 有Dolby音效

低配版型號為GXC-8200SF, 只有2 Channel, 總輸出只有20W x2, 沒有Dolby音效

左邊係自己既120W高配版車機, 右邊係其他BEAT車主只有2個喇叭輸出既低配版

現場幫緊佢試車機, 發現卡式帶位置壞了, 變左只可聽收音機

連散熱片都唔同

星光樂園 機台/街機 維修記 - 2 ( ERROR 005 )

 閒話唔多講, 呢部都係之前某玩具代理既倉底貨/問題貨

今次呢位機主自買入後無耐就開始出玩ERROR 005, 無論點重新開機都係ERROR 005

自始壞左超過半年都搵唔到真係識維修星光樂園機台既人 (我唔會叫自己做師父)

直至見到我開始出Post分享維修紀錄開始有一絲希望

當然呢位星光樂園機台機主白白等左半年我都唔會令佢失望, 最後成功入返遊戲畫面再無ERROR 005畫面

呢個ERROR 005有好多唔同既因素導致, 所以佢ERROR畫面連任何文字/提示都無, 軟件/硬件都可以導致

ERROR 005畫面確定

星光樂園 機台/街機 維修記 ( ERROR 009 )

 早前有香港某玩具大代理結業, 由該代理既星光樂園街機機台亦都被流出市面

香港既星光樂園機台由2015年引入香港, 今年已經進入第10個年頭

不過香港/台灣版就係非常cut cost版, 遊戲卡片既取得方式更同日版大不同, 香港/台灣版係要購買代理推出既卡包抽卡, 但就變成玩既時候就免費, 唔同日版要入錢係機台上抽卡再印卡

而遊戲模式就更加唔洗多講, 都係比日本版少, 更新亦都唔同步 (不過日本版亦都係2022年結束服務, 因為有新機台新系列推出)

但隨住時間過去, 正所謂 "年紀大機器壞", 呢批星光樂園機台當中有部分亦都開始出現硬件問題導致開唔到機/入唔到遊戲畫面

但因為代理已結束營業, 加上呢類機台非常罕見, 識維修既人更加萬中無一, 所以機主都因為壞左而放置左一排無玩, 因為一直搵唔到識維修既人

今次既維修就係咁啱有朋友既朋友打聽到我有維修街機經驗而聯絡左我, 最後終於成功將呢部放置左幾個月永遠開機出現ERROR 009既星光樂園機台重現遊戲畫面, 又可以再戰20年了

上去現場開機試, 都係入唔到遊戲畫面

[Beri’s Project - K] HONDA BEAT 更換中置引擎蓋做自製透明蓋 (ホンダ ビート 自作 クリア エンジンカバー/メンテナンスカバー 取り付け)

更換完成效果圖, 差缸蓋同水管未換藍色款

HONDA BEAT雖然同佢大佬NSX N仔一樣係同時期既中置引擎HONDA車, 但BEAT仔因為體積所限, 唔似佢大佬NSX咁有大大個尾玻璃同更換中間引擎天窗可以隨時打開檢查/比人欣賞

而日本個邊有副廠一早知呢個問題, 所以就設計左好多唔同既透明蓋比大家換上, 方便隨時睇到E07A引擎, 或者改好引擎頂蓋/電線等引擎倉變得靚靚比人欣賞

但換左呢個蓋之後其實最大缺點就係會令到車內變得更熱, 因為無左隔熱墊/金屬阻隔, 但就令到成件事變得高級左, 點都值得

[Beri’s Project - K] HONDA BEAT 重低音喇叭維修 + 線材製作 (ホンダ ビート サブウーファー修理 + ハーネスの自作)

安裝完成圖

本來買BEAT仔就係為左聽佢既自然吸氣高轉聲, 但有時停埋一邊等人時都想聽下歌, 或者有時有朋友想插下卡式帶黎播舊歌懷舊一下都得

而且呢部BEAT仔本身就已經跟左120W高配版車機同埋加配錶台喇叭, 咁就差個重低音喇叭就將所有音響Option都裝齊哂

而車尾既6合1 CD機就唔需要了, 因為部CD機實在太大舊浪費左車尾箱既空間, 主要都係靠自己改AUX IN同用返本來車機既卡式帶功能, 而FM收音機方面可以靠-16MHz降頻方式係香港收返車機只可以收既76-90MHz既FM頻道

[Beri’s Project - K] HONDA BEAT 加裝乘客位腳燈 + 安裝乘客位開門開關 + 更換LED燈膽 (ホンダ ビート 助手席フットランプ&ドアスイッチ取り付け + LED交換)

 

改裝好之後而家只開乘客位門都可以提到司機 乘客位左邊門未關好, 安全好多

順便加多塊MTREC金屬牌

BEAT仔當初推出既時候, 基本上車上好多零件都係OPTION, 就例如乘客位既腳燈都係OPTION, 今次除左補返之外, 仲要補返個detect開門開關比佢

因為BEAT仔既detect有無關好門只係睇司機位個邊腳燈, 乘客位雖然有設計到預留位, 但OPTION係無, 電線都無預留, 所以需要自己飛線同裝返同款開關掣

剛係日本bid到既二手拆車件

[Beri’s Project - K] HONDA BEAT 無限雙中出尾喉翻新+安裝 (ホンダ ビート 無限マフラー 初期型 修理+装着)

最終外觀

係等待日本有人放 "魔夢管" 既尾喉期間, 發現左無限係BEAT仔上曾經出過兩款尾喉, 最常見既都係後期右邊單出款多, 而前期既 "雙中出" 款不論二手同示範影片都非常之少

無意中係YOUTUBE睇到條片發現呢條喉比起魔夢管更好聽, 又咁啱二手又有條外觀比較新淨價錢又OK抵既就買左返黎了

呢款初期型無限喉最大缺點就係非常之容易生鏽導致穿窿漏氣, 基本上上網一搵都會搵到好多日本人點樣去翻新同補窿